O CONXUGADOR DE VERBOS

Se clicas neste enlace podes conxugar verbos dunha forma moito máis divertida, anímate!!!

http://conxugador.cilenis.com/index.php

Dicionario de nomes

Para os que aínda cren que a ANTROPONIMIA é unha enfermidade contaxiosa, nesta ligazón tedes acceso a un documento onde se explica a orixe e significado da maior parte dos nomes e apelidos; ademais, na páxina 61 hai outra ligazón que permite consultar os lugares da Galiza nos que hai máis xente co voso mesmo apelido.
INSTRUCIÓNS:
1. Abrir o documento.
2. Ver o índice da páxina 1.
3. Avanzar até a páxina 16, que é onde comeza a listaxe de apelidos e nomes.
4. Buscar o significado do(s) voso(s).
5. Apuntalo para despois explicalos na clase.
Ala! Xa podedes comezar!

A evolución das linguas na Península

Nesta animación -con música da Banda de Poi, para quen lle interese- pódese ver como desde o ano 1000 os romances peninsulares (galego-portugués, astur-leonés, castelán-andaluz, aragonés e catalán-valenciano) e o euskera van modificando os seus territorios orixinarios.

Reparade en como o romance central (castelán) vai ocupando o espazo das linguas veciñas até facelas desaparecer (astur-leonés, aragonés) ou convivindo con elas nunha situación de "bilingüísmo" (representado polos territorios a raias: galego, catalán-valenciano, euskera)

E isto non pasou só aquí: a lingua foi tamén compañeira do Imperio en Francia, onde o romance occitano -no sul- viuse reducido até case desaparecer pola presión do francés.

Dende o Departamento de Galego do CPI de Mondariz, unímonos ás protestas da AMPA do CEIP Ben-Cho-Sei de Ourense

Libros de lectura para 1º e 3º

Como xa lles dixen aos meus alumnos na aula, velaquí tendes os datos dos libros que ides ler no primeiro trimestre:

- Para 1º da ESO: Tonecho de Rebordechao do escritor Breogán Riveiro, editado por Galaxia. Para que vaiades vendo de que vai, clicade AQUÍ.

- Para 3º da ESO: Made in Galiza de Séchu Sende e da editorial Galaxia tamén. AQUÍ podedes verlle a cara ao autor e saber da súa vida, e AQUÍ hai unha apresentación do libro en cuestión. E ademais, no lateral dereito desta páxina, aparecen unhas bombonas con pinturas de guerra que son unha ligazón ao blogue do autor, e que tampouco vos vai facer mal ningún consultar.

Ala, a correr todos á biblioteca a ver se quedan exemplares ou á vosa libraría máis próxima para encomendalo!

Seguimos de vacacións!!!

Inda quedan moitos días de vacacións, pero déixovos un vídeo-karaoke que @s rapaces do CEIP Virxe da Saleta fixeron sobre a lingua galega xunto co seu profesor de música, que seguro coñecedes porque estivo no noso centro, Martiño, espero que vos guste a tod@s!!! Podedes escoitar a versión neste enlace que vos deixo:

http://soundcloud.com/ticscea/cpi-virxe-da-saleta-a-lingua

PRATICADE MOITO!!!

 e 

Seguide disfrutando das merecidas vacacións!

2ª FASE do II INTERCAMBIO co IES FERRO COUSELO de Ourense

O pasado 20 de xuño @s nos@s  alumn@s  de 1º da ESO déronlle a benvida  a Mondariz ao alumnado do IES Ferro Couselo de Ourense. No salón de actos proxectaron unha presentación en Power Point na que explicaban as riquezas monumentais e artísticas da zona e un vídeo tamén gravado por eles no que presentaban as instalacións do CPI de Mondariz.

A continuación @s nos@s alumn@s fixeron de improvisad@s guías turístic@s  polas marxes do  río Tea ata chegar a Balneario, onde nos recibiron @s responsables do balneario de Mondariz para ensinarnos as instalacións do Palacio da agua. No camiño de volta ata Mondariz, rematamos a actividade cunha xornada de convivencia, deporte e baño na praia fluvial do Val.

A experiencia foi todo un éxito e a valoración foi moi positiva por parte dos dous centros implicados, co cal pensamos en darlle continuidade  en vindeiros cursos.

Déixovos unha galería fotográfica.

Notas Exame

D@s alumn@s que ides a Londres, non superou o exame:
Bruno Boente
Tanto Bruno coma Erín terán que ir ao exame final.

1ª FASE do II INTERCAMBIO co IES FERRO COUSELO de Ourense

Por segundo ano consecutivo, e despois de  estar preparando durante todo o curso o encontro con cartas de presentación, vídeos, etc.;  o alumnado de 1º ESO dos centros CPI de Mondariz e do IES Ferro Couselo de Ourense levaron a cabo a 1ª fase do Intercambio lingüistico-termal. 

@s nos@s alumn@s foron recibidos polos seus compañeiros ourensáns nas dependencias do seu centro e alí agasalláronnos cun vídeo informativo sobre as instalacións do seu IES e as distintas ofertas de turismo termal que ofrece a provincia de Ourense.

A continuación visitamos as Burgas, onde nos recibiu un guía do concello de Ourense e nos deu unha explicación sobre as propiedades mineromedicinais das augas, así como anécdotas sobre a historia da Burga.

Logo comezamos un percorrido pola marxe do Miño descubrindo as distintas pozas termais, dende A Chavasqueira, o Tinteiro, o Muíño da Veiga e Outariz; onde gozamos do baño e dunha xornada de convivencia entre os dous centros.

A seguinte fase do noso Intercambio é a visita do alumnado do IES Ferro Couselo a Mondariz. Agardámosvos e esperemos que o pasedes tan ben como nós en Ourense; en canto déixovos unha pequena galería de fotos para que non vos esquezades de nós. 

FESTIVAL DAS LETRAS GALEGAS 2011- LIP DUB

Co gallo da celebración do Día das Letras Galegas, o EDLG xunto co Departamento de Lingua Galega e Literatura do CPI de Mondariz, organizaron unha pequena homenaxe ao galego e ao poeta monfortino Lois Pereiro. 

Deixámosvos o noso humilde traballo en forma de LIP DUB, A viaxe da nosa lingua, esperamos que vos guste e...

GRAZAS A TOD@S POLA COLABORACIÓN, sen vós non sería posible este vídeo.

LETRAS GALEGAS 2011

LOIS PEREIRO

Declaración

Amarte, vida, amarte case sempre,

inda que sexas dura e leves entremedias

piedade e odio intermitente.

Es ti a que sempre educas e aceleras

a doenza letal dos que non se resignan

a ignorar como es en realidade:

somentes un traxecto

cómodo e aldraxante cara á morte,

un tránsito inútil e innecesario.

Pero a ignorancia salva ós que non queren

arriscarse a perderte tan axiña

a cambio da renuncia a profanarte.

E aqueles dentes que perdín

precisaríaos agora para defender

as convicións nas que me reafirmo.

Solidario e amable, se é posible,

ou lobo estepario no desterro, completarei o círculo insurxente

coas balas do desexo.

Poesía última de amor e enfermidade, Lois Pereiro

INTERCAMBIO IES FERRO COUSELO (OURENSE)

O alumnado de 1º ESO do CPI  de Mondariz continúa preparando o seu  intercambio lingüístico-cultural co alumnado de 1º ESO do IES Ferro Couselo de Ourense.

A continuación deixámosvos outra mostra de vídeos onde  falan do centro e das riquezas culturais das distintas parroquias do concello de Mondariz.

Esperamos que vos gusten. Seguiremos informando!!

"Lendas douradas" de Roi Casal

Cólgovos o 1º videoclip do álbum Lendas douradas de Roi Casal, botádelle unha ollada e logo opinade...

C

MONDARIZ E A COMARCA

Neste vídeo, catro alumn@s de 3º ESO mostran os atrativos turísticos e culturais do concello de Mondariz e arredores. Pinchade nel e...

A VISITAR O NOSO CONCELLO!!!

A MÚSICA TRADICIONAL GALEGA

Se pinchades neste vídeo podedes ver un magnífico estudo feito por tres alumnas de 3º ESO sobre a música tradicional galega.

Parabéns polo voso traballo!!!

TRABALLAMOS COS ADVERBIOS

 

Exercicio 3º E.S.O.:

Inventade unha historia de 25 palabras na que predominen os adverbios. Engadídea no apartado de comentarios.

O CASTELO DE SOBROSO E O CASTRO DE TROÑA

 TELEXORNAL COMARCAL DE MONDARIZ

Co gallo do Intercambio Lingüístico-cultural que @s alumn@s de 1º ESO do noso centro van realizar c@s do IES Ferro Couselo de Ourense; dende Mondariz estamos organizando unha serie de traballos para darlles a coñecer o noso centro e a nosa comarca ao alumnado ourensán.

A primeira actividade consistiu en redactar unha serie de cartas de presentación para @s alumnos de Ourense.

A segunda actividade foi grabar un vídeo de presentación, cal Telexornal comarcal para "promocionar" a nosa zona e o noso colexio.

A continuación colgamos unha mostra dos vídeos recollidos, esperamos que vos guste e vos animedes todos para seguir participando. 

P.D. Seguiremos colgando máis novidades!!!!

E agora... Algo de Música....

Botádelle unha ollada a este cartel

http://www.festivalderramerock.com/intro/2.php

E nós... por que non GALEGAMOS???

ANIMÁDESVOS???

O ENTROIDO GALEGO

Estamos en época de "pantallas", "cigarróns", "peliqueiros", "felos",  "boteiros", "xenerais", "máscaras"... todos eles se dan cita no Entroido galego.

Os cigarróns de Verín

Os boteiros de Viana do Bolo

As pantallas de Xinzo de Limia

O Entroido é unha festa popular que marca a fin do inverno e o comezo da primavera. Nel conflúen rituais cristiáns e pagáns, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas.

Os entroidos máis famosos do país son, sen dúbida, os ourensáns. Laza, Verín e Xinzo convértense por uns días nas capitais de Galicia; peliqueiros, cigarróns e pantallas centran a atención dos visitantes. Con todo, noutros lugares da xeografia galega tamén se vive con especial interese a chegada desta festa.

Os felos de Maceda

Os xenerais da comarca do Ulla

Non podemos esquecernos tampouco da gastronomía antroideira; así, lacón, grelos, patacas, filloas e orellas son manxares que non poden faltar na mesa dun galego de pro.

A DISFRUTAR DO ENTROIDO!!!!!!!!

Un verdadeiro estudo sociolingüístico

Despois de ver isto... xa non fai falla dar ningunha clase de socilingüística, para que???

En galego

Namórate do galego

cupido en galego

EN GALEGO SEMPRE

Eu non son morcego!!

Audiovisual en galego

Nesta páxina podedes atopar información interesante sobre o audivisual galego: longametraxes, curtas de animación, documentais, etc.

No CPI de Mondariz, non queremos ser morcegos...

O Departamento de Lingua galega e literatura de Mondariz acaba de inaugurar o seu blog para dar renda solta á creatividade na nosa lingua. Unímonos todos ao lema gañador do Concurso de Nadal "Se non queres ser morcego, fala galego". Como ninguén no CPI de Mondariz quere ser morcego....

Benvidos ao noso blog!!!!!!